تبلیغات
روستای آقبلاغ (آق بولاغ،آغ بلاغ) غار آقبلاغ هشترود
 
 
 

کئچل داغا سلام اولسون

نویسنده : محمد نژادمحمد | تاریخ : 10:44 قبل از ظهر - چهارشنبه 25 خرداد 1390

کچل داغ  و غاری که در دل کوه قرار گرفته

کئچل داغا سلام:

1-آذری دیل شیرین گُؤزَل بیردیلدی   **  شَهریار شِعرینین دادین بیلدیردی[1]

حیدر بابا یازیب جانا سیندیردی ** کئچل داغی اُو سَبکیده یازمیشام

                        فکر اِئتمیون دوز یولومدان آزمیشام

2- آذربایجان ایرانیمین باشیدی ** ایران اُولسا اوزوک اُودا قاشیدی

غَم گُونـونـون وَفالی قارداشیدی ** آذربایجان جَماعتی اُویاقدی

چَتینلیکده بیر بیرنه دایاقدی

3- شهریارین عزتی وار مَقامی ** بالدان شیرین سؤزلری وار کلامی

اِبلاغ اُولوب هاممیلارا سلامی ** ((سلام اُولسون شؤکَتیزه اِئلیزَه ** مَنیم دَه بیر آدم گَلسین دیلیزَه))

4- شهریار حافظ دَن اِلهام آلیبدیر ** بودور عِلت جاودانه قالیبدیر

دنیالارا آوازه سین سالیبدیر** شهریار دان مَن دَه اِلهام آلمیشام

آمما بیلون چوخ دالییا قالمیشام[2]

5- آذربایجان ماهالیندا هَشترود ** سَرسَکَتدَه[3] سَکـكیزدنه واردی رود[4]

سلام اُولسون ایل لَرینه،هم درود ** جانیم قربان هشترودون آدینا

بیر گون اُولار من دوشَرَم یادینا

6- آقبلاخدی هشترودون گؤزَلی ** همتی وار آباد اُولار دوزلی

مَزَه لیدیر ،مَزَه لیدیر،مَزَه لی  ** اوزاقدایام گؤزوم قالیب داغیندا

دَرَه سینده، تَپَه سینده ، باغیندا

7- آقبلاغین کِئچل آدلی داغی وار  ** کِئچل داغن دوره سینده باغی وار

اینَـیـی وار، قُویــونو وار ،یاغی وار  ** هِئچ سو چاتماز بولاغینـین سویونا[5]

ناخُوش  اُولماز هَرکَس اُوردا یویونا

8- کِئچَل  داغا آلله کُؤیول قازیبدیر[6] ** چُوخ گَزَنلَر گَلیب اُوردا آزیبدیر

مَنیم بابام اُونا سوزلَر یازیبدیر ** گویلوم ایستَر هاممی گَله گؤروشَه

یاواش یاواش کِئچَل داغا سوروشه[7]

9- حیدر بابا! کِئچَل داغا باخ گینان[8]  ** ایلدیریملار! کِئچَل داغا شاخ گینان

سِئللَر ،سولار! شاقلدایب آخ گینان  ** سلام اُولسون کِئچَل داغین آدینا

بیرگون اُولار مَنی سالار یادینا

10- حیدر بابا ! کِئچَل داغیم قوجالیب  ** شانلی آدی دونیـالارا اوجالیب

سُوروش گینان کیملَر اُؤلوب کیم قالیب  ** کِئچَل داغیم هَر نه وِئرسه قالیبدیر

محبتی اُورکَلَرَه سالیبدیر

11- کِئچَل داغا مَنده سلام دِئیَرَم[9]  ** کِئچَل داغین بال کره سین یئیرم

قیش گونونده یون جورابیـن گئـیَرَم  ** حیدر بابا کِئچَل داغا دایاخدی

بو داغلارین ایگیت لَری اُویاقدی

12- اوجالدارام کِئچَل داغین آدینی  ** جلالینی شوکَتـیـنی یادینی

دادیـزدیـررام آغیزلارا  دادینی  ** آقبلاخدان یازماغا چُوخ سوزم وار

کِئچَل داغین کؤیـولونده گؤزوم وار

13- آی کِئچَل داغ جاوانلارون یاتماسین[10]  ** یاخـشیـلیـغی یامانلیغا قاتماسین

تازه گَلین قَئین آنانی  آتماسین  ** آدام اُولَر یاخشی پیسدَن آد قالار

آجیـلیـقدان شیرینـلیکدن داد قالار

14- یاغیش یاغار کِئچَل داغی ایسلادار  ** دولو توشر حاصیلاری کاسلادار [11]

حاصل سولسا کتدیلری سوسلادار  ** الله !گؤروم درد و بلا اُولماسین

گول چیچَکلَر سارالماسین سولماسین

15- کِئچَل داغین آغ داشلاری قره سی  ** دَرَه لَری تَپَه لَری سره سی

چوخ گؤزلدیر کَهلیکلَری فره سی  ** آی کِئچَل داغ! سنون اوزون  آغ اولسین

قو جالارین جوانلارین ساغ اولسین

قو جالارین جوانلارین ساغ اولسین


کچل داغ 

 کِئچَل داغین میلیون ایللر یاشی وار  ** گَلین کیمی گؤزل قلم قاشی وار

سینه ریز تَک سینه سینده داشی وار  ** صَفالیدور دامنینده بولاغی

گوزَللیکده هایاندا وار سوراغی

17- نه گؤزَلدیر کَتدیلرین قایداسی[12] ** گؤزل رَسمین هاممیا وار فایداسی

کریم لَرین اَلده کرم بایداسی  ** باشاردیقجـا اؤرکلری شاد اِئـدین

شاد اولاسیز بیزلری ده یاد اِئـدین

18- سلام اُولسون کَتدی قَدرین بولنه  ** اُوکوزونن کتده جوتی سورنه

گَـه آغلیوب گَـه اُؤرکَدن گولنه  ** آلله گوروم کتدیلری وار اُولسون

کَتدی قَدرین بولمیَـنی خوار اُولسون

19- مملکتده کتدی یاددان چخماسون  ** تیــفاقوزی آلله گؤروم یخماسون

کتدی شَهرَه هیچ وقت گوروم چخماسون [13] ** کتلر گوروم گون به گون آباد اولسون

اُورکَلَری غُصه دن آزاد اولسون

20- آقبلاغن آغ بولاغی آغ قالیب  ** بولاقلاری قـورومیـوب ساغ قالیب

کره قالیب، پنیر قالیب، یاغ قالیب  ** آلله گؤروم اُورا  لطفِیلَه باخسین

بولاقلارین سویی همیـشه آخسین

20- آقبلاغن آغ بولاغی آغ قالیب ** بولاقلاری قـورومیـوب ساغ قالیب

کره قالیب، پنیر قالیب، یاغ قالیب  ** آلله گؤروم اُورا  لطفِیلَه باخسین

بولاقلارین سویی همیـشه آخسین

21- آقبلاغدا قدیم عالم چوخوموش  ** اِئـشیـتمیـشَم اُوروج یئــیَن یوخوموش

ظالیملَرین جوابلاری اُوخوموش  ** عالم اُولسا ناماز قیلان چُوخ اُولار

فساد اِئدَن چاخیر[14] ایچن یوخ اُولار

22- آقبلاغدان چُوخلی مالّا چخیبدی  ** هر بیریـسی ظالیملَری یخیبدی

هاممسنی دنیا بیر جور سخیبدی  ** بیلَن بیلَرسوزوم اُورکده چوخدی

آقبلاغدا حتی بیر عالم یُوخدی

23- میرزا مجید مَنبرینه چخاردی [15]  ** موعِظه سی شیطان اِئوین ییخاردی

مَرثیه سی اُورکَلَری سیخاردی  ** آلله گوروم مَنبری بوش قالماسین

پیغمبردن اُونی آیری سالماسین

24- آقبلاغلی  توی رَسمینی ایتیرمز  ** تویلارینا سازاندانی گَتیرمز

لَهو ولَعِب هیچ وقت بَره بیـتیـرمَز[16]  ** سَحَرَه جَن چالقیـچیلارچالماسین

خلقین پولون هَدر یِئره آلماسین

25- تازه گَلین باشینه شال سالاندا  ** داراخلانوب قاپی اَنام آلاندا[17]

شادلیق اِئدیب اُوردا چَپیک چالاندا  ** خیردا قئـییـن گلین بِئــلین باغلادی[18]

خان نَنَـسی دالیـسیجان آغلادی

  قیز گَلینلَر تویدا اُولِی سِیف آلی (19) -25  

سِیف آلیا باخوب چَپیک چالاردیق ** توی اِئوینده سَحَرَه جَن قالاردیق[20]

27- آقبلاغ لی !بخت اولدوزون باتماسین  ** شیطان سُوزی سیزلَری اُویناتماسین

دشمن اَلی گوروم سیزه چاتماسین  ** عاقل اُولان حَقی باطله قاتماز

مرد اُوغولون اَلی گوناهه باتماز

28- اِئللر گؤروم بیربیرینَن ساز اُولسون ** پاییزگئـتسین قیش سووشسون یاز اولسون

چایلاردولی اُوردک اُولسون قاز اولسون  ** چَمنلردَه بولبول گلسین اوخوسون

قیز گَلینلَر اَلده جوراب توخوسون

29- بیری اُولسَه آقبلاغلی توکولر[21] ** باییر قالماز[22] اونون یئری اَکیلر[23]

اوچسا اِئوی اِئل اَلینَن تیکیلر[24]  ** قایدا[25]بودور هامی تِز گِئج اولَه جَک

قبر اِئوینی  قیامتی گوره جَک

30- اُؤلکَمیزین چؤللرینـین آدی وار ** دره سینـین تَپَه سینین یادی وار

بیلمسنین لذتی وار دادی وار  ** چوللَره وِئر آلله اوزون بركت

كُمَك سَندَن  كَتدیلردَن حركت

 

کئچل داغا سلام 2 ...

16- کِئچَل داغین میلیون ایللر یاشی وار  ** گَلین کیمی گؤزل قلم قاشی وار

سینه ریز تَک سینه سینده داشی وار  ** صَفالیدور دامنینده بولاغی

گوزَللیکده هایاندا وار سوراغی

7- نه گؤزَلدیر کَتدیلرین قایداسی[12] ** گؤزل رَسمین هاممیا وار فایداسی

کریم لَرین اَلده کرم بایداسی  ** باشاردیقجـا اؤرکلری شاد اِئـدین

شاد اولاسیز بیزلری ده یاد اِئـدین

18- سلام اُولسون کَتدی قَدرین بولنه  ** اُوکوزونن کتده جوتی سورنه

گَـه آغلیوب گَـه اُؤرکَدن گولنه  ** آلله گوروم کتدیلری وار اُولسون

کَتدی قَدرین بولمیَـنی خوار اُولسون

19- مملکتده کتدی یاددان چخماسون  ** تیــفاقوزی آلله گؤروم یخماسون

کتدی شَهرَه هیچ وقت گوروم چخماسون [13] ** کتلر گوروم گون به گون آباد اولسون

اُورکَلَری غُصه دن آزاد اولسون

20- آقبلاغن آغ بولاغی آغ قالیب  ** بولاقلاری قـورومیـوب ساغ قالیب

کره قالیب، پنیر قالیب، یاغ قالیب  ** آلله گؤروم اُورا  لطفِیلَه باخسین

بولاقلارین سویی همیـشه آخسین

20- آقبلاغن آغ بولاغی آغ قالیب ** بولاقلاری قـورومیـوب ساغ قالیب

کره قالیب، پنیر قالیب، یاغ قالیب  ** آلله گؤروم اُورا  لطفِیلَه باخسین

بولاقلارین سویی همیـشه آخسین

21- آقبلاغدا قدیم عالم چوخوموش  ** اِئـشیـتمیـشَم اُوروج یئــیَن یوخوموش

ظالیملَرین جوابلاری اُوخوموش  ** عالم اُولسا ناماز قیلان چُوخ اُولار

فساد اِئدَن چاخیر[14] ایچن یوخ اُولار

22- آقبلاغدان چُوخلی مالّا چخیبدی  ** هر بیریـسی ظالیملَری یخیبدی

هاممسنی دنیا بیر جور سخیبدی  ** بیلَن بیلَرسوزوم اُورکده چوخدی

آقبلاغدا حتی بیر عالم یُوخدی

23- میرزا مجید مَنبرینه چخاردی [15]  ** موعِظه سی شیطان اِئوین ییخاردی

مَرثیه سی اُورکَلَری سیخاردی  ** آلله گوروم مَنبری بوش قالماسین

پیغمبردن اُونی آیری سالماسین

24- آقبلاغلی  توی رَسمینی ایتیرمز  ** تویلارینا سازاندانی گَتیرمز

لَهو ولَعِب هیچ وقت بَره بیـتیـرمَز[16]  ** سَحَرَه جَن چالقیـچیلارچالماسین

خلقین پولون هَدر یِئره آلماسین

25- تازه گَلین باشینه شال سالاندا  ** داراخلانوب قاپی اَنام آلاندا[17]

شادلیق اِئدیب اُوردا چَپیک چالاندا  ** خیردا قئـییـن گلین بِئــلین باغلادی[18]

خان نَنَـسی دالیـسیجان آغلادی

  قیز گَلینلَر تویدا اُولِی سِیف آلی (19) -25  

سِیف آلیا باخوب چَپیک چالاردیق ** توی اِئوینده سَحَرَه جَن قالاردیق[20]

27- آقبلاغ لی !بخت اولدوزون باتماسین  ** شیطان سُوزی سیزلَری اُویناتماسین

دشمن اَلی گوروم سیزه چاتماسین  ** عاقل اُولان حَقی باطله قاتماز

مرد اُوغولون اَلی گوناهه باتماز

28- اِئللر گؤروم بیربیرینَن ساز اُولسون ** پاییزگئـتسین قیش سووشسون یاز اولسون

چایلاردولی اُوردک اُولسون قاز اولسون  ** چَمنلردَه بولبول گلسین اوخوسون

قیز گَلینلَر اَلده جوراب توخوسون

29- بیری اُولسَه آقبلاغلی توکولر[21] ** باییر قالماز[22] اونون یئری اَکیلر[23]

اوچسا اِئوی اِئل اَلینَن تیکیلر[24]  ** قایدا[25]بودور هامی تِز گِئج اولَه جَک

قبر اِئوینی  قیامتی گوره جَک

30- اُؤلکَمیزین چؤللرینـین آدی وار ** دره سینـین تَپَه سینین یادی وار

بیلمسنین لذتی وار دادی وار  ** چوللَره وِئر آلله اوزون بركت

كُمَك سَندَن  كَتدیلردَن حركت

31- مولیك چولی ،هاچاقیه ، آغ دره [26]  ** ایده لیك وار ، آغلیق باخچا ، كت دره

گامیش یاتان، پورسوخلی یورد، بت دره  ** اُورتا چمن، مسجد بولاق، داش بولاق

یِئمَه لیدی تورشَكلَرون قویبلاغ

32- خاللی گونی، كلّه كمر، آقبلاغ  ** ایلانلی وار، دوه داش وار، قویبلاغ

قیبلا بولاق جنگی كؤیول قوش بولاق[27]  ** تَندیرلی یورد، گونی زمی، دره سی

مهمان داشی ،قول دره نین سره سی

33- قره قیه، گـؤیَرچیـنلیـك[28] قار قالی  ** كاظم عمی[29] جوت سورنده های سالی[30]

اُولاغینان جوت سورنلرقال دالی  ** قویون بولاق علی بولاق بیوك دوز

ایتوب باتسون نانجیـبی قالسون دوز

34- غیبی[31] عمی قویبلاغا گِئدنده ** ایش زور گلیب گیلایه لر اِئدنده

خلور چاتیب  آقبلاغا یِئـتنده  ** اُولاق یخیب خلورلری آشاردی

عَبدل عَمی[32] تِئز حصلنوب داشاردی

35- کوند اُوراغی مَن اَلیمه آلاردیم  ** زَمی دَریب چُوخ دالییا قالاردیم

آغریاردی شال بِئـلیمَه سالاردیم  ** هئی دیردیم ناواخ آخشام گَلَه جَک

یورقون جانیم بیر یاتیب دینجله جک

36- تَندیرلَره کَرمه یاپما سالاردیق[33]  ** دیوارینا فتیرلری چالاردیق

کورسی قوروب اوندان ایستی آلاردیق  ** حیف اُولسون کورسولری گُؤتدولَر

تندیرلرین آغیزلارین اُؤرتدولر

37- بیر گون گئـتدیم بابام مجید[34] اِئوینه  ** گؤرَه بابا نوه سینی  سووینه

گؤردوم قلبی ناراحتدی دوونه  ** گوردی منی درد لَرینی آزدیردی

منی اُؤزی مالّالیغا یازدیردی

38- حاجی حمید[35] محبتلی كیشیدی  ** ناماز قیلماق حاج هاشیمین ایشیدی

حاجی حسن[36] غیرتلی بیر كیشیدی  ** سلام اُولسون روحلارینا قبرینه

تعجبم من بولارین صبرینه

39- قورتماشی[37] چولده چوبان یینده  ** یئـییب ایچیب گرایلینی[38]دئینده

سورا دوروب چاریـغیـنی[39] گِئـیَنده  ** قویون هارا كئچی هارا دئیَردی

قورتماشین دو باره دن یئـیردی

آغاجلارین بوداقلارین اَیردیک  **- 40

قیشدا  گلیب یای سؤزونی دئیردیک  ** چیخارتمارام آنایوردون یادیمنان

چوخ ایسترم اَصلمی هر زادیمنان



دسته بندی : امکانات و مشکلات , فرهنگ (آداب و روسوم ) , غار آقبلاغ،گردشگری و توریست ,